Preskoči na sadržaj
Kršćanska Stvarnost
Odaberite dan
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031

✠

Acta Sanctorum · Svezak IV · 2. veljače

O sv. Apronijanu tamničaru, mučeniku u Rimu na salarijskoj cesti

DE S. APRONIANO COMMENTARIENSI MARTYRE ROMÆ VIA SALARIA

Quo tempore Maximianus Herculeus, Quinquegentanis nationibus debellatis, pacataque Africa, Thermas Diocletianas Romæ fabricari curavit, atque ad earum opus milites Christianos servilem in morem damnavit; Thrason, vir locuples et Christianus, victum iis per Cyriacum et Sisinnium Diaconos, ac Smaragdum et Largum cæpit submittere. Quo ab impiis animadverso, capti Sisinnius et Cyriacus, coacti ipsi quoque arenam fodere, et humeris suis gestare: cumque id hilariter exequerentur, ac Saturninum quoque senio fractum, laboris parte sublevarent; pertractus est ad Maximiani tribunal Sisinnius, spretisque tyranni minis, Laodicio Præfecto traditus, et ab hoc in Mamertini retrusus custodiam. Quæ omnia fusius enarrantur in Actis S. Marcelli Papæ, xvi Januarii, cap. 1.

2 Post dies decem et septem jussit Laodicius Præfectus aspectibus suis Sisinnium præsentari. Qui cum præsentatus fuisset ab Aproniano Commentariensi, subito lux de cælo facta est, et vox de luce exiit, dicens: Venite ad me benedicti Patris mei: percipite regnum, quod vobis paratum est a constitutione mundi. Tunc Apronianus tremefactus cecidit ad pedes Sisinnii Diaconi, dicens: Adjuro te per Christum, quem confiteris, ne tardes me baptizare, et facias me tecum pertingere ad coronam. Eadem hora allata est est aqua, et catechizavit eum, et benedixit fontem, et, deposuit eum nudum in pelvim, et dixit ei: Credis in Deum Patrem omnipotentem, et in Filium ejus unicum Dominum nostrum Jesum Christum, et in Spiritum sanctum? Et ille respondit: Credo. Et Sisinnius Diaconus dixit ei: Illuminet te Christus. Et elevavit eum de pelvi, et duxit eum ad S. Marcellum Episcopum, quem chrismate confirmavit, et altare consecravit: et sic participati sunt omnes corpus et sanguinem Domini nostri Jesu Christi.

3 Eodem die post meridiem jussit sibi Laodicius Præfectus præsentari Sisinnium Diaconum. Veniens autem cum Sisinnio Diacono Apronianus Commentariensis jam baptizatus, coepit clamans dicere: Quid vos coarctat diabolus in Dei servos tanta mala exercere? Tunc Præfectus dixit ad Apronianum Commentariensem: Quomodo te video, et tu Christianus es effectus? Respondit Apronianus: Væ mihi infelici, quia perdidi dies meos. Respondit Præfectus: Vere modo perdes dies tuos. Et jussit eum capitalem subire sententiam dicens: Si hic extinctus non fuerit, multi pereunt. Eodem tempore ductus in via Salaria milliario secundo, capite truncatus est sub die quarto Nonarum Februariarum.

4 Ita ut in aliis S. Marcelli Actis scribit Ursio Abbas cap. 2 nu. 10. Doctores suos ad coronam præcessit S. Apronianus. Coluntur SS. Sisinnius Diaconus et Saturninus xxix Novemb. Cyriacus Diaconus, Lørgus, Smaragdus, viii Aug. At S. Aproniani natalis in Februarii in Martyrologiis, Romano, Usuardi, Rabani, Bedæ, Adonis, Notkeri, Bellini, Maurolyci Galesinii, Felicii, Canisii, et aliis consignatus est, cum insigni elogio ex iisdem S. Marcelli Actis hausto. De eodem agunt Petrus de Natalib. lib. 3 cap 74. et Ferrarius in Catal. SS. Italiæ. Pronianum mendose vocat Martyrol. S. Mariæ ad Gradus Coloniæ, ut supra retulimus, cum de Afris Martyribus ageremus, num. 2. Galerinius xxix Januarii post recensitam SS. Papiæ et Mauri Militum cædem, subdit: Eodem die, Romæ item, SS. Cyriaci, Aproniani, et sociorum Martyrum: qui illo (Diocletiano) Imperatore, ob fidem Christi datis cervicibus, coronati sunt. In Notis citat Vincentium lib. 12 cap. 99 qui tamen diserte scribit Apronianum decollatum iv Nonas Februarii.

✠

Izvornik: Acta Sanctorum. Februarius, tomus I, Pariz: Victor Palmé, 1863. Prvi cjeloviti prijevod na hrvatski, objavljen 23. studenoga 2026. Prijevod i uređivanje: Tim Kršćanska stvarnost.

2. veljače Kalendar godine