P lures nomine Theoctictis celebrantur Sancti. Nam ut omittamus sanctum illum Abbatem Theoctistum, qui in septemb. colitur, de quo multa præclara memorantur in S. Euthymii Magni Vita xx Januarii; et S. Theoctistum Patricium et Eunuchum, de quo Græci agunt xx Novembris; jam supra IV Januarii retulimus S. Theoctistum Cucumi Abbatem: diximus quoque VIII ejusdem mensis, in Græcorum Menæis memorari Teoctistum, sed (ut nobis quidem videtur) monachum, una cum Agathone. In iisdem quoque Menæis tres celebrantur Theoctisti Martyres, unus hoc die iv Februarii, alter in Octobris, tertius, officio navicularius, vi Septembris, omnes capite plexi. Neque aliud hic de nostro narrant, nisi Divinis sacræ religionis tectum armis, nudatam obtulisse ferro cervicem.
Θέοις κεπασβείς πίστεως θείας δπλοις, Γύμνδι τράχηλον θεόκτιστος τῆ ξίφει.
✠
Izvornik: Acta Sanctorum. Februarius, tomus I, Pariz: Victor Palmé, 1863. Prvi cjeloviti prijevod na hrvatski, objavljen 23. studenoga 2026. Prijevod i uređivanje: Tim Kršćanska stvarnost.