Preskoči na sadržaj
Kršćanska Stvarnost
Odaberite dan
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031

✠

Acta Sanctorum · Svezak II · 20. siječnja

O bl. Benediktu pustinjaku reda Vallombroze, u Etruriji

DE B. BENEDICTO EREMITAORD. VALLIS-UMBROSÆ, IN ETRURIA

Benedictum Vallis-umbrosæ formatum institutis, vitaque solitaria sanctissime acta clarum ita celebrat Arnoldus Wion hoc die: In monasterio Cultus-boni S. Laurentii, depositio S. Benedicti ejusdem loci monachi, et Eremitæ, Ordinis Vallis-umbrosæ; cujus sacri obitus signum dedere campanæ, humano destitutæ adjutorio; et nives, miraculo inaudito, in ea parte solum qua sacrum deportabatur cadaver seipsas liquefacientes, viam deportatoribus præbuere: in cujus etiam ore, post spatium annorum trecentorum viginti, lilium quasi recens natum nive candidius inventum est. Eadem fere Menardus prædicat et brevius Dorganius.

2 Wion ejus natalem se didicisse scribit ex monumentis Reverendorum Patrum Vallis-umbrosæ in agro Bergomensi. Hinc præbita Ferrario ansa scribendi: In territorio Bergomensi B. Benedicti Eremitæ Ordinis Vallis-umbrosæ. At non in agro Bergomensi, sed in diacesi Fesulana situm est monasterium S. Laurentii Cultus-boni, ut in Historia Vallis-umbrosæ scribit Eudosius Locatellus, qui lib. 2, cap. 14, gesta exequitur Benedicti, quæ damus. An Beatis solenniter adscriptus sit, non comperimus. Beatum ipse appellat, et ante annos 200 translatum reconditumque honorificentius illius corpus scribit; uti et Silvanus Razzius in Vitis SS. Hetruscorum. ex Italico a Eudosii Locatelli.

Bernardi septimi Vallis-umbrosæ Generalis temporibus, clarus sanetimonia vitæ extitit Benedictus in cœnobioc S. Laurentii Cultus-boni monachus: qui uti antea memoratusd B. Petrus, cum annos aliquot in ceterorum convictu Fratrum innocenter traduxisset, Præside annuente in silvam haud longe semotam secessit, solitariam acturus vitam. Hic vile sibi tuguriolum fabricatus, Divini Spiritus ardore inflammatus, diuturnis vigiliis, frequentibus flagris, abstinentia incredibili macerabat corpus.

2 Si qua necessitas cogeret, revisebat interdum cœnobium, præsertim Paschæ diebus aliisque eximia religione et celebritate agi consuetis, ut Fratrum spirituali congressu et caritate perfrueretur. Anno quo e vivis excessit cum isthuc sub Natalis Christi ferias venisset de more, singulari sensu pietatis peccata confessus est, sacraque pastus Eucharistia: dein cælesti monitu imminere sibi extrema didicit, substititque isthic usque ad Epiphaniæ solennitatem, omnes præclaris adhortationibus exemplisque ad vitæ sanctitatem exstimulans.

3 Tandem vero ad caram sibi cellam reversus, fixis humi genibus, ut quidam referunt, sublatisque in cœlum manibus, animam exhalavit. Quo tempore campanæ monasterii, nemine compulsante, ultro sonerunt, eo ritu modoque, quo ad cohonestanda funera solent. Non fefellit prodigium istud Abbatem ac monachos, qui continuo Benedicti mapale petierunt, ac vita functum repererunt, corpusque, non sine lacrymis, composuerunt, deportandum dein ad monasterium, ubi id religioso sepulcro reconderent, justaque persolverent.

4 Erant tunc, quippe media hieme, humus alta nive adoperta: at simul elatum e tugurio est funus, volente Deo Opt. Max. servi sui innocentiam ac sanctitatem, mirifico testimonio approbare, momento solutæ depulsæque nives amplam et commodam præbuere procedentibus viam. Tumulatum primum est corpus ad latus ecclesiæ, ubi nunc claustrum cernitur: e haud multo post in ecclesiam translatum. Tum vero (ne cui ambiguum foret sanctissimam animam cœli deliciis nunc potiri præmiisque benefactorum) repertum in illius ore recens lilium est, mirabilem expirans odorem, attonitis stupore omnibus qui miraculum illud viderant audierantve, certatimque laudes propitio Numini recinentibus. Decessit B. Benedictus anno 1107.

5 Annis deinde post 323, cum cœnobium Cultus-boni Abbas Paulus de Monte Mignajo administraret, qui id magnam partem restauravit, claustrum præsertim; translata dein Benedicti ossa intra sacram ædem in honoratiorem locum: repertumquef integrum corpus est, et suave olens, cumque summa reverentia, multis Antistibus, monachis, laicis, præsentibus, Episcopo potestatem tribuente, ad laevam altaris intra arcam pariete præseptam conditum est. a Ex quo Razzius accepit.d S. Bernardus ex Generali Ordinis Vallis umbrosæ, Episcopus Parmensis. et S. R. E. Cardinalis, colitur 4 Decembr.c Situm id in Comitatu Florentino. ut scribit Razzi; in diacesi Fesulana, ut in catalogo monasteriorum illius Ordinis Locatellus; non apud Bergonum, ut Ferrarius supra.d De quo egit idem Locatellus cap. præcedenti.e Falluntur ergo Wion, Dorganius, Menardus, qui 320 annis post id scribunt contigisse.f De ossibus id intellige; ut nullum defuerit, cum discerte dicat ossa translata, uti et Razzius.

✠

Izvornik: Acta Sanctorum. Ianuarius, tomus II, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.

20. siječnja Kalendar godine