Clerum Diaconum Antiochiæ pro Christianæ religionis defensione plexum capite, retulimus vn Januarii. Alium hoc die, sed diverso lethi genere coronatum, plurima exhibent Martyrologia; et quædam cum Euphrasio conjungunt. Ita Petrus de Natalib. lib. 11, cap. ultimo; nu. 34. Euphrasius Episcopus, et Clerus Diaconus xix Kalend. Februarii passi sunt. Multa Belgicarum Ecclesiarum MSS. Martyrologia, sub Usuardi fere nomine: Eodem die S. Eufrasii Episcopi; et Cleri Diaconi et Martyris, unius de antiquis, qui post multa tormenta in mare præcipitatus, martyrium consummavit. MS. Adonis monasterii S. Laurentii Leodii, et MS. Bedæ Domus professæ Societatis Jesu Antverpiæ: Eodem die natale S. Cleri (MS. Leodiense Clari) Diaconi, de antiquis, qui post multa tormenta in mare præcipitatus est. MS. Lætiense et S. Martini Tornaci: Eodem die Clerici (MS. Lætiense Clerichi) Diaconi multis tormentis affecti et in mare mersi. Maurolycus: Item Cleri Diaconi in mare mersi. MS. Centulense: Eodem die S. Cleri Diaconi et Martyris, de antiquis. Meminerunt quoque ejus Carthusiani in Addit. ad Usuardum, Bellinus editionis Parisiensis an. 1321. Felicius, Martyrol. Coloniense. MS. Hibernicum: Gliceri discipuli et Diaconi, et quibusdam interjectis: Clerici Diaconi.
2 Martyrii locum indicat vetus MS. S. Hieronymi: In Antiochia Lucerii Diaconi. MS. Rhinawiense: In Antiatia Glicerii Diaconi. Notkerus: In Antiochia Glycerii Diaconi, de antiquis, multa tormenta passi, et in mare demersi. Chronicon Hispaniense, quod Flavio Dextro tribuitur, ad annum Christi 54, num. 2, ista habet: Quem (S. Indalecium) Clarus Diaconus comitatur: qui Diaconus cum multis Clericis, prope Carthaginem Spartariam, non procul a portu civitatis in mare crudeliter detruduntur. Bivarius Euphrasio martyrii socium ait fuisse, Petri de Natalibus motus auctoritate. Mirum est, si prope Carthaginem novam, sive Spartariam, Christum prædicavit, occubuitque Clerus, ab Ecclesia Carthaginensi non coli. Varie porro ejus nomen effertur; appellatur enim vulgo Clerus, a quibusdam Clarus, Clericus, Clerichus, Glycerius; a Felicio et MS. Martyrologio Ecclesiæ Bruxelensis Cletus.
✠
Izvornik: Acta Sanctorum. Ianuarius, tomus II, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.