Preskoči na sadržaj
Kršćanska Stvarnost
Odaberite dan
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031

✠

Acta Sanctorum · Svezak III · 28. siječnja

O bl. Rihoardu ili Rikardu, opatu u Vaucellesu u Belgiji

DE B. RICHOARDO SIVE RICHARDO, ABBATE VALCELLENSI IN BELGIO

Valcellæ, sive Vallis-cellæ, instituti Cisterciensis in agro Cameracensi ad Sealdim fluvium, prope Crevecæurium oppidum, visitur illustre cænobium. Primî ejus Abbates Radulfus, Richoardus, Nicolaus, vîtæ sanctitate conspicui: ex quibus Radulfus XXX et XXXI Decembris Nicolaus XXX Maii et VI Decembris, Menologio Cisterciensi aliisque inscripti leguntur. Richoardi, qui et Richardus, et Riquardusdicitur, natalis hoc XXVIII Januarii, ejus et duorum aliorum translatio XXX Maii refertur; licet pridie, seu XXIX Maii, contigerit ut infra dicetur.

2 Est inter libros nostrae Domus professæ Antwerpianæ Chronicon MS. Eusebii, Prosperii, Sigeberti et aliorum, quod olim fuit Abrahami Ortelii, antea vero abbatiæ Valliscellensis, aut certe ab aliquo monacho Valcellensi auctum. In hoc illius cænobii ita memorantur exordia ad an. Christi 1131. Hoc anno inceptum est cænobium S. Mariæ Valcellensis Ecclesiæ; ad sequentem vero 1132. Hoc anno venit conventus monachorum cum Abbate suo, nomine Radulfo, a Claravalle ad hunc locum, qui vocatur Valcellæ, sub die prima Kal. Augustarum, qua die celebratur festivitas S. Petri ad vincula. Hic Radulfus primus Abbas hujus cænobii, de Anglia oriundus, vita, moribus et fervore religionis omnibus exemplo fuit. Hos adduxit beatæ memoriæ S. Bernardus primus Abbas Clarævallensis cænobii. Extat ejusdem Bernardi epistola 186, qua Simonem filium Castellani Cameracensis rogat, ut Ligecurtis a patre in opus hujus monasterii concessæ donationem confirmet.

3 Ad annum 1149, in eodem Chronico hæc referuntur: Hoc anno consecrata est ecclesia S. Mariæ Valcellensis scenobii a Samsone Remorum Archiepiscopo, VII Kal. Junii, V feria hebdomadæ Pentecostes. Inciderat eo anno Pascha in III Aprilis, Pentecoste in XXII Maii, littera Dominicali B. Quare perperpam scribit Claudius Robertus in Gallia Christiana a Samsone ecclesiam hanc Valcellensem dedicatam fuisse anno 1131, quo anno VII Kalend. Junii Sabbatum erat. Est autem templum, quod istic modo extat, longe pulcherrimum, atque inter cetera hujus ordinis apud Belgas amplissimum; ac templum quoque cathedrale Cameracense longitudine superat, ut scribit oculatus testis Autbertus Miræus in Chronico Cisterciensi.

4 Ad annum 1131, ita prosequitur MS. Chronicon: Domnus Radulfus primus Abbas hujus cænobii, post peractos xix annos, ex quo ad hunc locum venerat, et menses quinque, III Kal. Januarii nexibus terrenæ corruptionis absolutus migravit e mundo: cui successit vir venerandus Riquardus nomine, et ipse de Claravalle sumptus, moribus maturus, discretione præcipuus, hilaris vultu, affabilis in colloquiis, statura decorus, temperatus in omnibus. Additur huic elogio a Reverendo Domino Nicolau Daussy Priore Valcellensi, in litteris ea de re ad nos datis, ex antiquo Codice MS. quod Raissius Chronicon MS. appellat: et per omnia laudabilis. Henriquez lib. 2, Fasciculi Sanctorum Ord. Cisterc. hæc fusius amplificat more suo: Mira, inquit, animi moderatione, pietate, et observantia regulari probatissimus ab omnibus habebatur, et mox: Cum igitur propter eximias virtutes, et singularem pietatem, omnibus carus esset, mirabilemque sanctitatis opinionem consequeretur, congregationis suæ nomen per circumjacentes regiones dilatavit. Ipse autem plenus bonis operibus ex hac vita decessit. Hæc Henriquez citatis Miræi Chronico Cisterciensi et Appendice ad Sigebertum, quibus locis ex Chronico nostro MS. nonnulla profert. Ex Henriquez eadem describit Raissius.

5 In Nicolai Daussy MS. codice, cujus auctor Radulso se testatur annis XXVII, convixisse, hæc de Abbatum primorum successione monasteriique incrementis habentur: Reliquit Radulfus centum et septem monachos professos, et tres Novitios, Conversos vero centum et triginta, quos sub suo regimine habuit. Hinc Pater noster S. Bernardus cum post obitum illius, successorem ejus Richardum, suavis memoriæ virum, adduxisset, et vidisset tam præclarum monachorum et Conversorum conventum, mente exhilaratus in hanc vocem erupit dicens: Benedictus Deus! dudum quidem in initio parvum hominum numerum ad hunc locum adduxi, nunc autem ex illo grege pusillo in tantam vos conspiciens multitudinem excrevisse, gaudeo et exulto, et omnipotenti Deo gratias ago, etc. Infra vero, cujus nationis fuerit, ait idem auctor se non reperisse. Raissius, et Henriquez in Menologio Anglum scribunt fuisse, sed quo auctore?.

6 In Chronico MS. hæc ad finem adjiciuntur extra Chronici ordinem: Anno Incarnati Verbi MCLXXIX, tempore Alexandri Papæ, regnante Frederico Imperatore, mense Maio, IV. Kal. Junii, feria III, levata sunt ossa Abbatum hujus loci de Capitulo, in quo a principio positi fuerant, videlicet Domni Radulfi primi Abbatis hujus cænobii, et Domni Riquardi secundi, et Domni Nicolai, qui loco tertio successerat, sed præ nimia corporis infirmitate ipsam abbatiam dimiserat: et posita sunt a Domno Alelmo, qui officium regiminis quinto loco susceperat, condigno honore infra maceriam novæ ecclesiæ, quæ est inter ostium ipsius ecclesiæ et armarium, ad Septentrionalem plagam, in locis honorifice præparatis, cunctis ministris albis indutis adstante etiam copioso conventu tam Conversorum, quam monachorum, et multitudine secularium plurimorum, regnante Domino nostro Jesu Christo, qui vivit et regnat in secula seculorum, Amen. Et alia manu: Ista etenim jam dicta Abbatum translatio facta est post Concilium, quod ipso anno sub Alexandro Papa III Romæ celebratum est, et secundo anno, quo pax Ecclesiæ reddita est, quæ viginti annis sub jam dicto Papa malorum infestationibus in schismate valde vexata est.

7 Hæc in illo MS. quæ contracta editaque a Miræo in Chronico Cisterciensi, duplici asperso errore, primo quod factam dicat translationem III Kalend. Junias, cum expresse IV Kal. legatur, quæ eo anno incidit in feriam III cum esset littera Dominicalis G. Idem mendum a Miræo descripserunt Henriquez in Fasciculo et Menologio, Raissius, Menardus, XXX Maii, quo die eam illi referunt. Alter error Miræi est, quod factam legerit translationem per Concilium, cum post Concilium scriptum sit. Habitum fuit id Concilium V Martii anni MCLXXIX; ut testantur Willelmus Tyrius lib. 21, de bello sacro, cap. 26, Rogerius et alii. Pax autem Ecclesiæ reddita fuit anno MCLXXVII; cæpta erat discordia inter Fredericum Imperatorem et Adrianum IV Papam anno MCLVII. Hæc de Chronici hujus sincera lectione. Henriquez citato Miræo ita hæc interpretatur in Fasciculo: Post cujus obitum, tot sanctitatis signis cæpit clarere, ut facta hac de re diligenti inquisitione Concilium Lateranense, sub Alexandro Papa III Romæ celebratum, corpus ipsius elevari præciperet, ac populo colendum ac venerandum proponi. Quod quidem anno Domini MCLXXIX, III Kal. Junii solenniter factum est. Similia habet idem Henriquez hoc XXVIII Januar. et XXX Maii. Eumdem priore die sequitur Raissius, et posteriore Menardus; a quibus omnibus Beati titulo decoratur.

8 De hac translatione isthæc nobis scripsit ante citatus Nicolaus Prior: Certum est illorum corpora fuisse translata ex veteri monasterio in novum, et honorifice honorifice recondita in majori claustro juxta gradus templi: qui certe locus jam adhuc extat et apparet; in quo loco fuit quondam appensa quædam tabella testis, eorum translationis, quæ quidem tabella, Episcopos, Abbates, Nobiles et populum huic solennitati præsentes numerabat. Sed quando Philippus Rex Hisp. secundus, S. Quintinum invasurus, per nos transiit, inter ceteras ruinas et miserias, tabella hæc deperiit. Hoc nihilominus nobis residuum est adhuc, quod transeuntibus Religiosis vel toto conventu simul per locum, in quo eorum asservantur reliquiæ, humiliter et devote se inclinent, quæ sane reverentia ex Patribus nostris ad nos usque defluxit: Et videtur sane talis translatio ad aliquam venerationem instituta, neque, ut erat ejus temporis disciplina, temere absque Romani Pontificis auctoritate suscepta.

✠

Izvornik: Acta Sanctorum. Ianuarius, tomus III, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.

28. siječnja Kalendar godine