Preskoči na sadržaj
Kršćanska Stvarnost
Odaberite dan
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031

✠

Acta Sanctorum · Svezak III · 25. siječnja

O sv. Severijanu, biskupu gabalitanskom u Galiji

DE S. SEVERIANO, EPISC. GABALITANO IN GALLIA

Gabalum, sive Gabalorum, aut Gabalitanorum, caput olim Anderitum fuisse, censent viri eruditi, ut XIV Januarii ad S. Firmini natalem dixrimus. Ejus a Barbariis eversi ruinas ingentes spectari ad vicum Javouls appellatum, testatur Guillielmus Catellius, lib. 2 histor. Occitaniæ cap. 11, quatuor fere a Mimate, urbe nunc Gabalorum primaria, Mende Gallis vocitata, leucis distantem. Hic nunc Sedes Episcopalis est, quæ prius Anderiti: et fuit alioquin etiam primis Antistiribus habitatus locus. Fidem faciunt S. Privati, quæ XXI Augusti dabimus, Acta, in quibus hæc leguntur: Tunc regioni, sive Ecclesiæ, illi S. Privatus præsidebat, sedem in Mimatensi habens viculo, propterea quod qui ante ipsum episcopatus ordinem tenuerant, in eo loco et commorati fuerant et sepulti.

2 Unius ex his S. Privati prædecessoribus, in vulgatis Episcoporum Galliæ catalogis, Severiani nomen extatat: ceterorum interciderunt. Coli S. Severianus consuevit XXV Januarii; quo die Usuardus: Item civitate Gavalis S. Severiani Episcopi, mirandæ sanctitatis et doctrinæ viri. Eadem fere Beda vulgatus, Ado, Notkerus, Bellinus, aliique quamplurimi excusi et nonnulli Severinum vocant; civitatem Gabalensem, Gabalen, Gabilonem. Celebrat eum quoque hoc die Saussaius, Floriarum, et plerique alii, etsi quidam cum Severiano altero, ut mox dicemus, confundant, infami mendo Ferrarius. XXVI Januarii S. Severiani festum agi ritu duplici per totam dioccesim Mimatensem scribit: fortassis ob S. Pauli festivitatem in sequentem diem rejicitur; nisi Ferrarium fefellerit memoria.

3 Acta ejus ignota nunc sunt: illud solum de eo scribit Joannes Chenu in catalogo Episcoporum Mimatensium: Ex diversis documentis, quæ in archivis episcopatus Mimatensis reperiuntur, elicitur, B. Severianum primo eidem Ecclesiæ præfuisse, et a D. Martiale ordinatum, in hæc verba: Post Christi in cœlum ascensionem, præsidebat in Gabalitano et regione eadem Rex, sive Tetrarcha, infidelis et paganus, omnem tenens superioritatem et dominationem in eadem, quo tempore B. Martialis ad illam partem declinavit, et consecravit in civitate Mimatensi capellam in honorem B. Mariæ Virginis. Postea vero S. Severianus, qui fuit ibi primus Episcopus, dictum Regem, seu Tetrarcham, ad fidem Catholicam convertit, et eumdem baptizavit: qui quidem Rex ad fidem Catholicam conversus, decedens sine liberis, totam ditionem Ecclesiæ contulit et donavit: et ex tunc dictus S. Severianus rexit et gubernavit totam dictam terram et regionem Gabalitanam. Ex quibus monumentis authenticis colligimus, B. Severianum fuisse primum Episcopum Mimatensem.

4 Narrat hæc eadem Catellius, sed negat firmari a se posse aut refelli, qui quæ citantur Ecclesiæ Mimatensis monumenta non expenderit, ac ne viderit quidem. Ceterum Marini Sanuti Venetiis datam anno 1326 epistolam citat, inscriptamt Venerabili in Christo Patri ac Domino suo carissimo, Guillielmo divina providentia Episcopo Mimatensi, et Comiti Gualitano. Sed hoc recentius, quam ut illam Gabalitanæ ditionis donationem (etsi minime a majorum nostrorum pietate alienam) asserere possit.

5 Traditur, ut jam ex Chenu dictum, S. Martialis Apostoli discipulus fuisse S. Severianus: quo ille tempore vixerit, dicemus 30 Junii. Si Valeriani et Gallieni temporibus occisus est S. Privatus, ut in ejus actis scribitur, et tamen præter Severianum alii quoque ante ipsum episcopatus ordinem tenuerant, haud longe is ab Apostolorum abfuisse temporibus potest.

6 Ceterum quia aliæ urbes fuerunt Gabala dictæ, alius quoque Severianus fuit Gabalorum Syriæ Episcopus, vir desertus ille quidem et doctus, sed ambitiosus ac factiosus, et capitalis S. Joannis Chrysostomi adversarius, cujus frequens in historia Ecclesiastica mentio, nominatim apud Socratem lib. 6, cap. 10 et 14, Sozomenum lib. 8, cap. 10, cap. 16 et 18, Palladium, Baronium et alios. Ea causa factum ut S. Severiani, quod in ceteris extabat, expungeretur e Romano Martyrologio nomen. Primus ansam præbuit Petrus de Natalibus lib. 3, cap. 23. Secutus Molanus, qui in Martyrologio Usuardi, ad Severiani nomen margini adscripsit: de quo Gennadius cap. 21, atqui Gennadius eo loco de Syro Severiano agit, in posteriori editione Socratem quoque et Sozomenum citat Molanus, Maurolycus: Civitate Gavalis S. Severiani Episcopi, tempore Arcadii Imperatoris, et Joannis Episcopi Constantinopolis, quibus ob doctrinam et sanctitatem carissimus erat. Galesinius: Gabalis S. Severiani Episcopi: is admiranda sanctitate, doctrinaque præstanti vir, et divinarum rerum scientia in primis eruditus, cum libros præclare conscripsit, tum in concionibus egregie versatus; ab Arcadio Augusto ob eam caussam sæpe Constantinopolim accersitus est. Paria scribit Martyrologium Germanicum, Felicius, Ghinius, Joannes Basilius Sanctorius. Quam hæ veræ sint laudes, patebit ex iis quæ suo loco in S. Joannis Chrysostomi Vita dicentur.

✠

Izvornik: Acta Sanctorum. Ianuarius, tomus III, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.

25. siječnja Kalendar godine