Preskoči na sadržaj
Kršćanska Stvarnost
Odaberite dan
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031
Veljača
1234567891011121314151617181920212223242526272829
Ožujak
12345678910111213141516171819202122232425262728293031
Travanj
123456789101112131415161718192021222324252627282930
Svibanj
12345678910111213141516171819202122232425262728293031
Lipanj
123456789101112131415161718192021222324252627282930
Srpanj
12345678910111213141516171819202122232425262728293031
Kolovoz
12345678910111213141516171819202122232425262728293031
Rujan
123456789101112131415161718192021222324252627282930
Listopad
12345678910111213141516171819202122232425262728293031
Studeni
123456789101112131415161718192021222324252627282930
Prosinac
12345678910111213141516171819202122232425262728293031

✠

Acta Sanctorum · Svezak II · 21. siječnja

O sv. Agnezi, djevici i mučenici, u Rimu

DE S. AGNETE VIRGINE ET MARTYRE, ROMÆ

Sadržaj (25)
  1. S. Agnetis.
  2. Auctore s. Ambrosio.
  3. S. Agnes P. V. filio nubere recusat.
  4. Lupanari flammisque superior, gladio percutitur.
  5. S. Emerentianæ cædes. Constantiæ conversio.
  6. Ejusdem acta ex Menæis græc.
  7. De reliquiis s. Agnetis.
  8. § I. Basilicæ ac Reliquiæ S. Agnetis Romæ.
  9. § II. Reliquiæ S. Agnetis Ultrajecti.
  10. § III. Aliquæ ejusdem reliquiæ in Gallia.
  11. Inventionis et translationis
  12. Ss. Agnetis et Benigni Episc.
  13. E Gallia Ultrajectum,
  14. Reliquiæ SS. Agnetis et Benigni defossæ, revelantur Amolwino rustico.
  15. Reliquiæ inventæ a Lamberto Presbytero.
  16. Festa profanantes, puniti.
  17. Reliquiæ Ultrajectum translatæ.
  18. De reliquiis s. Agnetis
  19. Constantinopolim, postea in Hispaniam translatis.
  20. NARRATIO TRANSLATIONIS, ex Antonio Vincentio Domenecco.
  21. De miraculis s. Agnetis.
  22. Alia miracula
  23. § I. Ope S. Agnetis pulsa ægritudo.
  24. § II. Pecunia amissa recuperata.
  25. § III. Alia Sanctæ beneficia.

§ III. Alia Sanctæ beneficia.

Quidam Frater domus nostræ, celebrans in domo Capituli in altari S. Agnetis Virginis, diabolo insidiante subito tentatus est in Missa, de fide et sacramento Corporis Christi, in quo sæpius habuit consolationem magnam. Sentiens ergo gravem influere quæstionem, convertit se cito ad pium Dominum Jesum cum gemitu et recta fidei intentione orando. Moxque audivit divinum responsum, intus sibi dictum: Crede sicut S. Agnes, Cæcilia, Barbara, et aliæ sacræ Virgines crediderunt: quæ pro Christo passæ sunt, et de nullo verbo in fide dubitaverunt. His auditis, cessavit tentatio, et questionis dubitatio. Et sæpius postea contra diabolicam immissionem, hæc verba revolvit: Crede sicut Agnes, Cæcilia, et Barbara, et numquam errabis in fide Catholica. Nam tot sunt testimonia vera, quot sunt sancta verba in Biblia.

3 Alius etiam quidam de Fratribus nostris infirmis in eodem loco et altari, ex devotione communicavit; qui diu baculis se sustentans, curvus incedere solebat. Sed post celebrationem Missæ, virtute Christi, et meritis S. Agnetis, sic convaluit, ut baculos suos post Missam ibidem relinqueret, et postea ad chorum et conventum laetus et rectus transiret. Mirante autem quodam Fratre de isto facto, sciscitare pie cœpit, quid ægrotus egerit, et infra Missam cogitaverit. Respondit sanatus: Cogitavi et revolvi verba sancti Evangelii, Luca referente de Domino nostro Jesu Christo: Et omnis turba quærebat eum tangere, et virtus de illo exibat, et sanabat omnes. Bona ergo fides et virtus sacramenti, cum precibus Sanctorum, sanare adhuc possunt mente et corpore debiles; ut fiant ferventes in amore Dei, et ad omne opus bonum promptiores, et suis Prælatis sine mora obedientes. Hæc sunt æternæ salutis miracula, quæ adhuc frequenter operatur Christus cum devotis, mira clementia,

6 Accidit quodam tempöre in quadragesima, quod quidam Frater rogatus fuit celebrare Missam, mane circa horam quintam pro hospitibus et tota domus nostræ familia; sicut consuetum est fieri pro bona custodia laborantium in officiis, et pro itinerantibus in via propinqua vel remota. Frater autem ille pie annuit, et ex caritate libenter fecit pro quo rogatus fuit. Erat tunc festum S. Gregorii Papæ, quem Frater speciali affectu diligebat; quia in ejus festo a scholas ad discendum alphabetum cum aliis pueris primitus intravit. Cum ergo accessisset ad altare, cœpit cogitare qualem Missam vellet legere de jejunio vel de S. Gregorio: statim venit ei ad mentem: Tu nondum legisti Missam in hac hebdomada de S. Agnete, pro speciali caussa tibi commissa. Lege ergo modo de S. Agnete, cum collecta de S. Gregorio; et postea cantabis Missam de eo in choro cum toto conventu, corde jucundo. Fecit sic in nomine Domini cum bona fiducia, solvendo vota sua de S. Agnete, patrona nostra, Christo summe dilecta. Omnibus igitur in ecclesia fere congregatis et Missam audientibus, contigit periculum incendii in domo agriculturae nostræ, nemine adhuc sciente. Sed plus et misericors Deus optime providit quod incendium cito extinctum fuit. Nam laicus quidam Donatus noster, Mathias nomine, post elevationem de ecclesia exiens supervenit, et fomitem ignis exstinxit. Quod meritis S. Agnetis confidimus asscribendum, de qua tunc specialiter legebatur Missa, ad rogandum pro pia caussa Dominum. Deus enim, qui B. Agnetem in medio flammarum, expansis manibus orantem illæsam sam conservavit; ipse illo die demum nostram cum omnibus suis utensilibus incombustam precibus et meritis ejus, clementi bonitate custodivit. Unus enim laicorum ad audiendam Missam cum aliis intravit ecclesiam, et neglexerat sub tecto domus lucernam extinguere, quæ combusto ligamine, cecidit super segetes ibi jacentes et accendit. Sed pius Dominus omnia videns, et inopum preces misericorditer attendens, huic periculo per alium (ut prædictum est) tempestive subvenire concessit. Audiens autem devotus et prædilectus Pater noster Frater Theodoricus Clivis, tertius domus nostræ Prior venerabilis, periculum incendii accidisse, et Dei gratia cito cessasse, primo satis expavit: nec mirum. Deinde consolatus est, et gratias egit Deo, quod tam grave periculum non processit, sed repente dissipatum fuit. Cum ergo rumor incendii ad aures aliorum pervenisset, Frater, qui de S. Agnete Missam eodem die celebravit, secrete ad Priorem Patrem suum accessit, et humiliter ei indicavit: Dilecte Pater, gratias agamus Deo et S. Agneti, patronæ nostræ; quia Missa de ea hodie lecta fuit pro speciali caussa; et spero, quod fideliter pro nobis oravit, et ab incendio isto nos Dominus liberavit. Tunc bonus Pater et pius pastor, congaudens magnifice, utpote castus amator S. Agnetis, injunxit speciales orationes Fratribus, atque largiores eleemosynas distribui jussit pauperibus, pro tam evidenti protectione ab incendio præsenti, et ab omni malo futuro. Amen. a Habetur S. Gregorius Papa apud Belgas patronus discentium litteras, multique ejus festo liberos ad scholus primum deducunt, quasi faustum omnem. a Divi patrocinio suaque pietate, caplantes. Ea religio inolevit quod ipse sanctissimus Pontifex venales pueros Anglos regimere, litterisque imbuendos tradere olim solitus fuit: et quia Angli plurini in Belgio vel fidem restituerunt vel pietatem, ab iis ad nos manasse eam pietatem verisimile est.

✠

Izvornik: Acta Sanctorum. Ianuarius, tomus II, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.

21. siječnja Kalendar godine