Non est hic Flavianus sanctarum Virginum Demetrix et Bibianæ parens, maritus S. Dafrosæ, qui XXII Decemb. colitur, de quo IV Januarii in Actis S. Dafrosæ egimus; licet is quoque a Ferrario in Catalogo Sanctorum Italiæ referatur hoc die. Sed alius est, Urbis tamen et ipse Vicaria Præfectura illustris quem anno Christi CCCIII passum scribit Baronius to. 2, ad annum 303, nu. 113. De eo Martyrologium Romanum XXVIII Januarii: Ibidem (Romæ) S. Flaviani Martyris, qui sub Diocletiano passus est. Galesinius: Romæ S. Flaviani Martyris, cujus in persecutione Diocletiana certamen pro Christo susceptum nobile extitit. Plurimi XXX et 30. Januarii eum referunt. Usuardus, Bellinus, Martyrologium Germanicum, MS. Florarium et plurima antiqua MSS. Martyrologia: Ipso die S. Flaviani Martyris. Editio Parisiensis Usuardi anni 1836, eodem XXX Flavium vocat. Maurolycus eodem die illum refert. Qua occasione conversus sit Flavianus et qua ratione martyrium consummarit, dicemus XXIX Januarii cum de S. Serena Virgine, Maximo et Secunda ejus parentibus, Marco et Calendio fratribus, agemus.
✠
Izvornik: Acta Sanctorum. Ianuarius, tomus III, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.