Ancyræ Galatiæ plures ante S. Clementem Episcopum, cujus jam ante Acta retulimus, esse coronatos martyrio pueros, illius alumnos et discipulos, in iisdem Actis dictum est. An quatuor hi ex illorum sint numero, ambigi vel ex eo potest, quod unus Climatius, sive Clematius, appellatur, ἀπὸ τοῦ χλήματος, quod palmitem significat; unde et Κλήμης, Clemens, deducitur a Græcis. De iis in MS. Dungalensi: Castuli... Papiæ, Clemati... at Papiæ illud non meminit. MS. S. Hieronymi distinctius: Ancira Galatiæ, Donati, Castoli, Papiæ, Climati. Plures in sacris fastis Castuli, Donati, Papiæ, occurrunt: at nec simul, nec ullus Ancyræ; Climatius, Clematiusve, nullus.
De duobus ss. Martyribus in Pario lacu.
Parium urbs est Hellesponti, Plinio memorata lib. 3, cap. 32, et Ptolomæo lib. 3, cap. 2, Juxta eam an lacus Parius; an in Paro insula, una Cycladum, an alibi; nos latet. In eum præcipitati Martyres duo, quos ita hoc die Græcorum celebrant Menæa: τῇ αυτῇ ἡμίρω οι ἄγγιοι δύο μάρτυρες οι ἐν τῷ Παρίω λάκω ἐμβληθέντες, τελεισὸνται.
Ενδον βόρου χωροῦσι μάρτυρες δύο, Θείου πόθου βάλλοντος ἔξω τὸν φόβον. Eodem die sancti duo Martyres, in Parium lacum projecti, finiuntur: In voraginem ingrediuntur Martyres duo, Divino amore pellente foras timorem. Refert eos quoque Maximus Cythereus.
✠
Izvornik: Acta Sanctorum. Ianuarius, tomus III, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.