Preskoči na sadržaj
Kršćanska Stvarnost

✠

Acta Sanctorum · Svezak I · Svezak I

Četvrto poglavlje: pomoćnici i druga pomagala

CAPUT QUARTUM

Sadržaj (13)
  1. Adjutores operis, alia adminicula.
  2. § II. Alii adjutores ex omni ordine.
  3. § III. Martyrologiorum origo. Polemei Silvii laterculus.
  4. Januarius dies xxxi.
  5. § IV. Martyrologia Eusebii et S. Hieronymi. hujus specimen.
  6. § v. Romanum Martyrologium modernum et vetus.
  7. § VI. Martyrologia Bedæ et Flori.
  8. § vii. Martyrologium Usuardi.
  9. Domino Otrico Wandalbertus salutem dicit.
  10. § IX. Martyrologia recentiorum.
  11. § x. Varia Breviaria, quibus Auctor usus.
  12. § xi. Menæa et Menologia Græcorum. Rutenorum Kalendarium.
  13. § XII. Syrorum Coptorumque Kalendaria.

§ XII. Syrorum Coptorumque Kalendaria.

Syrorum Kalendarium edidit Commentariis in Psalmos præfixum Gilbertus Genebrardus, quod mense Januario isthæc propria habet:

1. Circumcisio.6. Epiphania, quæ et Luminarium. Ea nocte aqua consecratur in totum annum.7. Decollatio Joannis Baptistæ. Antoninus Magnus. Efraim. Gregorius Theologus. Basilius Magnus. Niniviticum jejunium.Lucas Waddingus to. 3 Annal. Minorum ad an. 1342, nu. 49, scribit Fratres Minores, qui Hierosolymis degunt, festa Romani Kalendarii celebrare, itemque propria quædam Ecclesiæ Hierosolymitanæ, quorum isthic Kalendarium exhibitet pag. 499, Januarius propria isthæc habet:14. S. Malachiæ Prophetæ, semiduplex.15. SS. Abacuch et Michææ Prophetarum et Confess. semidupl.26. S. Paulæ viduæ, duplex.30. S. Matthiæ Ep. et Conf. duplex.

In Maronitarum collegio Romæ duo asservantur volumina de Vitis SS. an Syriaco, an Coptico sive Ægyptiaco, an Arabico descripta charactere, nondum intellexi. Continent sex menses priores, a Thot videlicet, qui fere Septembri nostro respondet, (nam ab eo, ut et Græci, annum auspicantur) ad Mechir. Optarem ea volumina verti Latine a quopiam, aut illas saltem Vitas, quæ sunt antiquiorum Sanctorum, ante hæresis Eutychianæ exortum: nam non modo Dioscori Patriarchæ nomen die septimo Toth adscriptum, sed et posteriorum aliquot Patriarcharum, quos non facile est omni Eutychianæ hæresis aut Mono thelitarum suspicione liberare: an tamen ut Sancti memorentur, an solum res ab iis gestæ narrentur, et dies quo decesserunt, ad memoriam posterorum, certasque consignandas temporum notas, haud scio. Indicem, sive Kalendarium, sex illorum mensium, hujus specimen. mihi Athanasius Kircherus noster Roma misit; e quo hic Tybi mensem dabo, cujus primus dies in xxvii diem Decembris incidit.

1. S. Lydius Martyr sub Maximino, manifestatio corporis S. Stephani.2. Gallanicus Ep. M. sub Dioclet.3. Theodas Patriarch. Alexand. Innocentes pueri hodie sanguinem fuderunt.4. Joannis Apostoli et Evangelistæ dilecti Domini. Prochorus.5. S. Auxainus M.6. Circumcisio. Obitus Matthæi Patriarchæ. Raptus Eliæ Prophetæ. Basilius.7. Martianus Papa Alexandrinus. Salbathris Papa Romanus sub Constantino, qui eum baptizavit.8. Dedicatio habitationis sanctæ, cui præfuit S. Macarius. Andronicus Patriarch. Alexandrinus pater Benjamin.9. Abraham. Gabriel Patriarch. Institutio jejunii feriæ vi.10. Jonathas discipulus S. P. Pachomii.11. Baptizatus est Christus in Jordane. Apparitionis dies. Anatolius sub Dioclet. M.12. Theodorus Antiochenus M. sub Numerio Rege.13. Festum celebratur aquæ in vinum transmutatæ in Cana Galilææ.14. Arsalides.15. Abdiæ Prophetæ. Maximus frater Damathii. Gregorius frater Basilii.16. Philotheus M. Joannes Patriarch. Alexandr.17. Maximus et Damathius.18. Jacob Ep. Nisibenus.19. Inventio corporum MM. Bahue, Basuræ fratrum, et Aniræ matris eorum.20. Prochorus unus ex lxx Discipulis Domini.21. Hoc die requievit Deipara. Item S. Hilaria filia Zeithon Regis.22. S. Antonii stellæ terrestris, et Patris omnium monachorum.23. S. Timotheus discipulus S. Pauli.24. Maria Virgo Alexandrina.25. Petrus Publicanus, sive Telonearius.26. XLIX MM. Monachi seniores, tempore Theodosii.27. S. Serapion M. Translatio corporis S. Timothei.28. Clemens M. item Abu-Bugam.29. S. Akassana.30. Basenes, Helis, Ghani, et Sophia mater MM. sub Adriano, vel Gordiano.

✠

Svezak I Kalendar godine