Ferrarius in generali catalogo Sanctorum VIII Januar. Apud Interamnam Umbriæ, sanctorum Martyrum Claudii, Carbonani, Tibudiani, et Planii, sub Claudio Imperatore. De iisdem in catalogo Sanctorum Italiæ ex monumentis et veteri MS. Martyrologio Ecclesiæ Interamnensis, ista tradit:
2 Cum Claudius Imperator impia in Christianos edicta promulgasset, iiuque ubique ab ejus Præfectis ad necem conquirerentur; Claudius militiæ Interamnensis Princeps, una cum Carbonano, Tibudiano, et Planio militibus, impii Imperatoris jussa parvipendens, Christianos in carceribus detentos fovebat, et cruciatos ad tormenta pro Christo fortiter ferenda animabat. Quapropter et ipsi jussu Præfecti comprehensi, ac in Christi confessione constantes, martyrii palmam accepere anno salutis CCLXX, quorum corpora secundo ab urbe Interamnensi lapide, ubi nunc Sancti Zenonis Martyris extat ecclesia apud torrentem sepulta sunt. Hæc Ferrarius. De Interamna hac ad Narem egimus supra VII Januarii, cum de S. Valentino II, ejus Antistite.
✠
Izvornik: Acta Sanctorum. Ianuarius, tomus I, Pariz: Victor Palmé, 1863. Prvi cjeloviti prijevod na hrvatski, objavljen 22. studenoga 2026. Prijevod i uređivanje: Tim Kršćanska stvarnost.