Preskoči na sadržaj
Kršćanska Stvarnost

✠

Acta Sanctorum · Svezak I · 2. siječnja

O sv. Makariju Rimljaninu, kod Lavinija u Italiji

DE S. MACARIO ROMANO,

Sadržaj (1)
  1. Apud Lavinum in Italia.

Apud Lavinum in Italia.

Alius hic est ab eo Macario cujus in vitis Patrum vita extat a Theophilo et duobus sociis monachis scripta; cujusque in Menologio et Menæis opitus refertur XXIII Octobris.

2 Hujus Macarii meminit Palladius in historia Lausiaca sive lib. 8, de vitis Patrum cap. 123, dum ad Pinianum Melaniæ junioris quondam maritum convenisse scribit Pammachium ex Proconsulibus, quemdam nomine Macarium ex Vicaria, et Constantium Assessorem Præfectorum Italiæ, insignes viros et eruditissimos, qui pervenerunt ad summum pietatis et religionis. Hic Palladii Macarius in Græcis quibusdam MSS. ut annotavit Rosweydus, Agathon appellatur. Quod dicitur, ex Vicaria, Græce est ἀπὸ Βαχρίας, Exvicarius, qui vicariam Præfecturam gessit, ut pulchre Victor Giselinus in cap. 18, dialogi

3 Sulpitii Severi; ubi Lycontius ex Vicariis, uti et cap. 1, ejusdem dialogi Eucherius ex Vicariis. Ortelius, non recte, existimavit loco cuipiam, unde ille ortus esset, Vicariæ nomen fuisse.

3 Vitæ ejus hoc compendium refert Ferrarius in catalogo Sanctorum Italiæ ex officio Ecclesiæ Placentinæ: Macarius Romanus Præfecti Urbis Romanæ Vicarius, vitæ monasticæ cupidus, spretis omnibus, solitariam herbarum radicibus et aqua vitam egit. Insidias sathanæ assiduis precibus, et corporis castigatione, maxime vero jejuniis superavit: sique Deo apprime carus, ad summa usque senectutem vitæ cursum sanctissime confecit. Extat ejus ex candido et perlucido marmore sarcophagus in ecclesia S. Helenæ apud Lavinum amnem in agro Bononiensi, ubi eum vitam degisse eremiticam conjicimus. Corpus Placentiæ in basilica S. Xysti sub ara illi dicata conditum est. Vitam ejus a Theophilo scriptam tradunt.

4 Existimat ergo, perperam, Ferrarius vitam hujus a Theophilo scriptam, uti et ipse Baronius in Notis ad 11 Januar. Sed utriusque vitam legenti satis patet duos esse Macarios Romanos, quod noster Rosweydus in Notatione ad vitam alterius Macarii Romani lib. 1, de vitis PP. clare demonstrat.

5 Locus vero apud Lavinum, ubi S. Helenæ ecclesiæ parochialis conspicitur, S. Macarii sarcophago insignis, vulgo Chierno dicitur, estque Fratrum Servorum, ut testatur idem in Notis Ferrarius, qui addit Epitaphium S. Macarii in sarcophago hac legi: MACARIUS VOCOR IN CIVITATE ROM. NATUS. Solere vero Sanctum hunc ab accolis adversus tempestates invocari: a quibusdam illum Abbatem dici, tradique corpus illius diu Nonantulæ fuisse asservatum.

6 Ex vita S. Paulæ per S. Hieronymum scripta infra XXVI Januar. colligitur hunc Macarium aliquando a Ruffino Presbytero fuisse Origenis imbutum erroribus, quos tamen deinde ejuravit, uti et ipse, ut suo loco dicemus, Ruffinus.

✠

2. siječnja Kalendar godine