Inventio brixiæ.
Petrus Galesinius hoc die sanctorum Martyrum Benjamini et Maximi inventas reliquias tradit his verbis: Brixiæ Inventio sanctorum martyrum Benjamini et Maximi, qui una cum Faustino et Jovita pro Christo Domino martyrium subierunt. In notis scribit, hanc Inventionem contigisse anno Christi MDXXIX. Eadem habet Martyrologium Germanicum, et Ferrarius in generali catalogo Sanctorum; qui tamen negat quidquam in tabulis Ecclesiæ Brixiensis de iis extare. De SS. Faustino et Jovita ac socii agemus xv Februarii.
✠