Ex Menæis Græcorum.
Ignotus hic fastis Latinorum, ita celebratur in Græcorum Menæis: Traxit hic genus ex nobilissima Cretensium insula, religiosissimis parentibus Theophane et Juliana ortus. Cumque haud parum temporis litterarum studiis impendisset, jussus est a parentibus pecus pascere: sed ille jam olim cælesti desiderio incensus, relicta patria, a Seleuciam se contulit, et inibi non exiguo tempore, modico pane et aqua vitam toleravit. Sexto autem et vigesimo ætatis anno, (qua tempestateb Leo Imperator sacrarum imaginum hostis et eversor vitam abrupit, et Catholica religio respiravit, suæque libertati est reddita) Hierosolymam profectus, locaque sacra cum ingenti affectu veneratus, quam multa et gravia, cum ab Saracenis, tum Judæis, totis annis duodecim perpessus sit, litteris tradi non potest ab eo qui epitomas dumtaxat et brevitatem sectatur.
2 Dein inde discedens, se Constantinopolim contulit: ubi sumptoc Angelico habitu, corpusculum suum abstinentia et jejunio domuit. Postquam autem extinctod Stauratioe Michael imperium tenuit, etf S. Nicephorus Ecclesiæ gubernacula tractavit, missus estg Michael Confessor,h Synadorum Episcopus Romam ad sanctissimum i Pontificem. Hic Constantinopoli cum B. Gregorio collocutus, secum illum, cum Roma rediisset, ad sanctissimum cœnobium, quod est in k Acrita, duxit, illique religiosis viris adjunxit: ubi unica contentus tunica, sine calceamentis, in storea ex junco contexta somnum cepit, et post biduum aut triduum aliquid panis et aquæ libavit, vel gustavit potius.
3 Tum in altissimam fossam descendit, l ibique turbatum et miserabilem Ecclesiarum statum multis lacrymis longo tempore deflevit. Ex qua rursus emersus, angustissima se cella conclusit, unica pelle tectus, dolium, quod in horto stabat, aqua replevit; noctu abjecta tunica illud ingressus, ibi psalterium recitavit, rursusque egressus est: atque hoc tota vita sua factitabat. Cumque ita præclare pro æterna vita certasset, animam suam in manus Domini commendavit.
a Plures hujus nominis civitates legere est apud Ortelium, Ptolemeum, et alios. Videtur hæc esse vel Seleucia aspera dicta, urbs Metropolitana in Cilicia aspera, sub Antiocheno Patriarcha; vel Seleucia Pisidiæ in Pamphylia, et ipsa Metropolitana, sine ullo tamen suffraganeo: olim Antiocheno, deinde Constantinopolitano Patriarchæ subjecta. Seleuciam Pieriam arbitror tunc in Sarracenorum, cum vicina Antiochia. fuisse potestate.
b Mortuis est Leo IV Copronymi filius anno Christi DCCLXXX, suscepitque imperium Constantinus filius cum Irene matre, piissima femina.
c Sic appellatur habitus religiosus. Ita Joannes Moschus in Præto spirituali cap. 94. An nescis, Domine frater, quia habitum Angelicum fers? Ejus tradendi ritum ex Græcorum Euchologio explicat Rosweydus noster in Onomastico ad vitas PP. verbo Schema.
d Stauratiusa Nicephoro patre Imperii consors adlectus anno deinde DCCCXI in prælio contra Bulgaros, in quo Nicephorus interiit, multis affectus vulneribus. Imperio exutus a Proceribus est, subrogato Michaele Curopalate.
e Tenuit imperium Michael a v Octob. DCCCXI, usque ad mensem
Julium anni DCCCXIII, Catholicus etpiissimus Imperator, S. Ignatii Patriarchæ parens.f S. Nicephori Patriarchæ Constantinopolitani gesta dabimus XIII Martii.g S. Michaelis Confessoris festum agitur XXXI Maii. De hac legatione agit Baronius Tom. 9 Annal. adannum DCCCXI, nu. 18, et seq. sed non recte Sinnaculorum Episcopum Michaelem vocat, qui Synnadorum sive Synnadon fuit. Misit per eum ad Leonem III, Papam S. Nicephorus Patriarcha litteras de sua electione, fidei suæ profesionem, et munera. Extant ex apud Baronium loco citato litteræ, in qubus Michaelem vocat Patriarcha sanctissimum Metrapoliten Sinnaculorum (imo Synnadon) Christo amabilis civitatis. Tum de eo hæc subdit: Erga vestram dilectionem valde ardenti et sincero amore afficitur, et in Ecclesiasticis rebus studiosum et alacrem se præbet; sicut et in sermone, et conversatione, ac virtute ceteris antecellit. Exilii ærunnarumve fidei causa toleratum non meminit. Quare quod in Menæis hic Confessor appellatur, id dici videtur propter ea quæ paullo post sub Leone Armeno perpesus est. Nam quod in Menologio XIII Maii dicitur, quia Leonis Isaurici hæresim redargueret, in exilium missus, intelligendum est de hæresi a posteris propagata: vel Isaurici pro Armeni postum est. Quod Baronio occasionem præbuit scribendi ad annum DCCCXXIII, num. 2, eo tempore pulsum in exilium esse ab Isaurico Michaelem; quod anno demum DCCCXIV, contigit, ut ad eum annum num. 32, scribit idem Baronius, licet restituat par Synnadon, Sinnaculorum. Sed cui nota est Sinnacula Metropolis? Ejusdem Michaelis Synnadensis celebris est mentio in Nicæna n Synodo, sive vn OEcumenica, quæ anno Christi DCCLXXXVI, habita est. Plura nos de eo suo loco.h Synada sive Synnada urbs est Phrygiæ Salutaris Metropolitana, ut videre est in Notitia Episcopatium Autberti Miræi. Synnas quibusdam Latinis dicitur. i Erat is Leo III, qui anno DCCCXV, die XXVI Decemb. creatus Pontifex, obiit XI Junii, anno DCCCXVI. k Est Acritas apud Ptolemæum Tab. 1, Asiæ, Bithyniæ promontorium, ad initium Propontidis. In eo arbitror fuisse monasterium, ad quod S. Gregorium deduxit in Phrygiam revertens Michael Episcopus: idemque arbitror esse, cujus Hegumenus sive Præpositus Sisinnius reperitur VII Synodo OEcumenicæ. sive Nicæna n, subscripsisse Act. 4, licet isthic 'Hyōύμενος Ἀφτρας' dicatur, quod in Latina Conciliorum editione vertitur, Præses Aretes.
1 Sub Leone Armeno præcipue, ad cujus extrema tempora, aut Michaelis Balbi initia (qui anno DCCCXX, ipso Christi natali Imperator est coronatus), videtur Gregorius pervenisse.
✠