Celsi, quinti Trevirorum Episcopi hodie natalem, xxii Februarii Inventionem celebrari tradit Martyrologium Germanicum. Ejus præterea hoc die meminit Usuardi editio Coloniensis anno 1521. Maurolycus, MS. S. Mariæ Ultrajecti, MS. Florarium; sed in hoc Martyr, in aliis Confessor appellatur. Cratepolius Hyginii Papæ æqualem facit. Brouwerus noster in Annalibus,
Auspicio, anno Christi cxli, ait successisse. Joannes Even in Epitome gestorum Trevirorum, ait genere clarum fuisse, animo sublimem, ut nomini videlicet suo responderet. Editio Martyrologii Usuardi Colonien. anni 1490. Treviris S. Celsi Episcopi et Confessoris Christi; qui in cæmiterio S. Eucharii requiescit. xxiii Februarii de ejus Inventione agemus.
✠