Preskoči na sadržaj
Kršćanska Stvarnost

✠

Acta Sanctorum · Svezak I · 11. siječnja

O sv. Tatonu monahu

DE S. TATONE MONACHO

In Samnio, non procul a Vulturni fluminis fonte monasterium est S. Vincentii, olim a Longobardorum Regibus multis prædiis locupletatum cujus quondam florentissimi, sed sua ætate collabascentis meminit Leander in Samnio. In eo cænobio S. Tato colitur XI Januarii, teste Philippo Ferrario in catalogo generali Sanctorum, et in catalogo SS. Italiæ; qui ex dicti cænobii monumentis ejus acta breviter recenset.

2 Tato nobilis Beneventanus, ut Christo serviret, spretis omnibus, patria ac parentibus relictis, una cum Paldone, et Tasone fratribus, quibus erat idem propositum, peregrinationem suscepit. Ac primum n fines Marsorum ad Thomam Abbatem senem, cujus fama sanctitatis vigebat, ut illum, quid sibi esset agendum, consulerent, sese conferunt: cujus persuasu in Samnium circa Vulturni amnis ortum venientes, ibi in solitudine vitam asperrimam sub Paldonis majoris natu regimine, multis sibi sociis adjunctis ducunt. Mortuo Paldone Gregorio II, Pont. Max. Taso ætate minor in administratione subrogatur: cujus cum monachi austeritatem et severitatem non ferrent, Tatonem in locum illius subrogant. Quæ res ad Pontificem delata improbatur. Ipse autem Tato interim sanctitate conspicuus, III Idus Januarii, anno salutis DCCXXIX obdormit in Domino. Hæc Ferrarius. Colitur S. Paldo XI Octobris, S. Taso XI Decembris.

✠

11. siječnja Kalendar godine