Preskoči na sadržaj
Kršćanska Stvarnost

✠

Acta Sanctorum · Svezak I · 10. siječnja

O sv. Aldu pustinjaku, u Paviji u Italiji

DE S. ALDO EREMITA, PAPIÆ IN ITALIA

Ferrarius in catalogo generali Sanctorum isthæc scribit, iv Id. Janu. Papiæ S. Aldi eremitæ. Ast in catalogo Sanctorum Italiæ: S. Aldus quando et ubi vixerit, adhuc scire minime potui: ejus corpus Papiæ primum in sacello S. Columbani conditum fuit, inde in basilicam S. Michaelis translatum est, ibique natalis ejus celebrari solet. Meminere illius Jacobus Gualla lib. 6, cap. 8. Sanctuarii, Stephanus Breventanus lib. 3, histor. Ticinensis; qui tamen corpus in cathedrali ecclesia quiescere scribunt; et Arnoldus Wion lib. 3, ligni vitæ in additionibus: ex quo loco, S. Aldum monachum Bobiensem vitam eremiticam in finitimis locis egisse, conjici potest. Hæc Ferrarius. De Bobio illustri monasterio agemus xxi Novemb. ad vitam S. Columbani.

✠

10. siječnja Kalendar godine