Preskoči na sadržaj
Kršćanska Stvarnost

✠

Acta Sanctorum · Svezak I · 8. siječnja

O svetim mučenicima Timoteju, Euktu ili Polieuktu, Rustiku, Piseju ili Cipiseju, Sekundu, Luciju, Feliksu, Januariju i Paladiju

DE SANCTIS MARTYRIBUS TIMOTHEO, EUCTO SEU POLYEUCTO, RUSTICO, PISSEO VEL CIPISEO, SECUNDO, LUCIO, FELICE, JANUARIO, PALLADIO

De sanctis his Martyribus hæc habet Martyrologium S. Hieronymi: vi Id. In Græcia, Eucti, Rustici, Pissei, Timothei, Secundi, Luci, Felicis, Januari. In ms. quoque Rhinowiensi itidem perantiquo: In Græcia, Cipisei, Secundi, Timothei, Lucii, Rustici. Timothei plures alii meminere: Beda: Timothei in Græcia. Notkerus: In Græcia Polyecti, (vix dubito quìn ille sit Euctus jam relatus, voce aut hic per prothesin, aut isthic per aphæresin corrupta) et Palladii (fortassis hic est Palladius, qui vii Januar. Palladas vocatur in S. Hieronymi Martyrologio.) Et quibusdam interjectis pergit Notkerus: In Græcia Rustici, Timothei, et Jucondi. Usuardi editio Lubecensi anni 1473, et Parisiensis 1536. Bellini editio Parisiensis anni 1531, et plurima mss. sub nomine Usuardi: In Græcia S. Timothei. Martyrologium Coloniense: In Græcia S. Timothei Confessoris. Carthusiani Colonier. in Addit. ad Usuar. et Martyrol. Germanic. In Græcia S. Timothei Confessoris, qui translatus est Constantinopolim ix Maii. At ix Maii ostendunt se de S. Timotheo Pauli discipulo agere, de quo nos xxiv Januarii. At de hoc S. Timotheo et sociis nihil habemus compertum. Timotheus Confessor in Græcia, in eodem Martyrologio Germanico, Maurolyco, Petro de Natalibus lib. 11, cap. 130, § 30, refertur, sed ix Januarii.

✠

8. siječnja Kalendar godine