Galesinius v Januarii: Brixiæ S. Rusticiani Episcopi. Is B. Honorio ejusdem urbis Episcopo cum successerit, pietatis Christianæ officiis populum Brixiensem religione instruxit: omnique Episcopali virtute et sanctitate florentissimus, quievit in Domino. Ferrarius in generali Sanctorum: Brixiæ S. Rusticiani Episcopi. Fusius in Catalogo Sanctorum Italiæ. Rusticianus Episcopus Brixiensis, vigesimo primo loco Ecclesiam Brixiensem administravit: post S. Honorium ad munus Episcopale evocatus. Hic omni Episcopali virtute et sanctitate florens, populum Brixiensem non tam verbo quam vitæ probitate et exemplo erudivit, ac post aliquot annos sancto fine quivit in Domino: illique S. Dominator suffectus est. Corpus in ecclesia S. Zenonis Parochiali conditum requiescit. Cætera ignorantur, ita ut neque patria ipsius, neque tempus, quo Ecclesiæ Brixiensi præfuerit, sciri potuerint. Hæc ibi: in generali Catalogo tradit sub Constantio Ariano pro fide exculasse.
Meminit quoque Rusticiani Ascanius Martinengus discurs. 1, de Nobilitate Ecclesiæ Brixiensis. Sed cum S. Philastrius et S. Gaudentius S. Ambrosii ætate vixerint, qui potuit Rusticianus longe iis junior, a Constantio Augusto proscribi? De S. Philastrio agemus xviii Julii, de S. Gaudentio xxv Octobris, de S. Honorio xxiv Aprilis, de S. Zenone xii Aprilis.
✠