Celebratur III Non. Janu. S. Joannis Apostoli et Evangelistæ Octava, quam Martyrologium Romanum, Ado, aliique consignant. In Breviario Romano, Pauli III auctoritate edito a Francisco Quignonio Cardinale, non celebrabatur hæc Octava, sed S. Anteri Papæ festum, de quo et tertia lectio recitabatur. Ubi denuo recensitum ab eodem Quignonio idem Breviarium est, omisso S. Antero Octava agi capit (quemadmodum et antea) ut Semiduplex; Duplex a Pio V instituta, uti et S. Stephani atque Innocentium. Vide Gavantum Comment. in Rubr. Breviar. sect. 6, cap. 6.
✠