Preskoči na sadržaj
Kršćanska Stvarnost

✠

Acta Sanctorum · Svezak I · 2. siječnja

O svetim britanskim mučenicima u Lichfieldu u Engleskoj

DE SS. MARTYRIBUS BRITANNIS

Sadržaj (1)
  1. Lichfeldiæ in Anglia.

Lichfeldiæ in Anglia.

Lichfeildia civitas est Angliæ in Staffordiensi Comitatu perantiqua, a Beda Licisfeld appellata, quasi Cadaverum campus; quod plurimi isthic Christiani, sub Diocletiano, martyrio affecti sint. Qua de causa civitas pro insignibus scutum depictum gestat, in quo Martyres varii variis modis trucidati exhibentur, ut videre est in Theatro imperii magnæ Britanniæ Joannis Spedi l. 1, c. 35.

2 Horum Martyrum commemorationem II Januarii indicit Martyrologium Anglicanum, traditque S. Amphibali discipulos fuisse. De his Beda lib. 1, histor. Anglic. cap. 7, sub finem: Passi sunt ea tempestate Aaron et Julius (qui i Julii coluntur) Legionum urbis cives, aliique utriusque sexus, diversis in locis perplures, qui diversis cruciatibus torti, et inaudita membrorum discerptionelacerati, animas ad supernæ civitatis gaudia perfecto agone miserunt. De his pluribus agit Matthæus Westmonasteriensis ad ann. 303. Nicolaus Harpsfeldius 3 secul. cap. 10.

✠

2. siječnja Kalendar godine