PSALAM 42

S.
Iudica me, Deus, et discerne causam meam
de gente non sancta:
ab homine iniquo et doloso erue me.

M.
Quia tu es, Deus, fortitudo mea:
quare me repulisti,
et quare tristis incedo,
dum affligit me inimicus?

S.
Emitte lucem tuam et veritatem tuam:
ipsa me deduxerunt
et adduxerunt in montem sanctum tuum
et in tabernacula tua.

M.
Et introibo ad altare Dei:
ad Deum, qui laetificat iuventutem meam.

S.
Confitebor tibi in cithara, Deus, Deus meus:
quare tristis es, anima mea,
et quare conturbas me?

M.
Spera in Deo,
quoniam adhuc confitebor illi:
salutare vultus mei et Deus meus.

S.
Gloria Patri, et Filio, et Spiritui Sancto.

M.
Sicut erat in principio,
et nunc, et semper,
et in saecula saeculorum.

Amen.

S.
Introibo ad altare Dei.

M.
Ad Deum, qui laetificat iuventutem meam.

S.
Adiutorium nostrum in nomine Domini.

M.
Qui fecit caelum et terram.